Friday, September 13, 2013

Phir Saja Hua Hai Kurukshetra



Phir saja hua hai Kurukshetra,
Bas shuru ho raha Dharmyuddha,
Das baras se taras rahi hai Maa,
Satta parivartan, Ho Desh Shuddh

Kitna loota un gundon ne,
Is desh ko, desh ke vasi ko,
Khilkhilarahi thi jo bhoomi,
Lut kar lagti hai pyasi vo

Nahin bacha koi bhi Mantralaya,
Sab mein ghotala kiya gaya,
Sunane mein aata hai hai aisa,
Sau karor karor tak uda diya

Ab artha-vyavastha tharrati,
Yahan mehangai Mudra-sfiti,
Sone ki Chidiya banana tha,
Par kar di hai vipreet sthiti

Seema par saat padosi hain,
Pakistan, Cheen, Burma, Bhutan,
Nepal, Bangla Desh bhi hain,
Shree Lanka Sagar ke Madhya-sthaan

Sab bane hue dushman apne,
Kaise Bharat yoon ghira pada,
Jab Cheen ki Sena pravesh kare,
Bharat ghutano par gira pada

Itne par bhi nahin sudhare hain,
Naye astra-shastra na khareed rahe,
Toota sainik ka manobal,
Bas desh ki khaatir jhel rahe

Bahar ki hi bas baat nahin,
Andar bhi haalat aisi hai,
Maobadi kahin Jihadi hain,
Janta ki aisi-taisi hai

Kabhi maar bhi do aatanki ko,
Aisa bawaal uth padta hai,
Mano swatantrata senani wo,
Angrezon se jo ladta hai

Visfot karein, Goli Daagein,
Haq hai unka yeh Janma-Siddh,
Gar maar diya humnein unko,
Khayenge humo hi Cheel-Giddh

Bahu-Beti ka samman nahin,
Nahin nikal sakein jab surya-asta,
Har gali mein Ravan baitha hai,
Madh, Kaam-vaasna mein ho mast

Kya hoga desh ke vasiyon ka,
Jab desh hi na ho sammanit,
Ab muft ki roti phenk-phenk,
Kar denge humko apmanit

Kho raha hamara Samvidhaan,
Hua Pradhan Mantri Chaprasi,
Taqat hathya kar baithi hai,
Woh Pardesi Bharatvasi

Ban rahe hain jo kanoon yahan,
Mantri dikhai nahin deta hai,
Sansad mein chillaye vipaksh,
Par kaun wahan par suntan hai

Kolahal hi Kolahal hai,
Kahin soch-samajh ki baat nahin,
Bharatvasi nahin samajh raha,
Kyun Rashtra-hit ki nahin baat kahin

Karein Raajneeti ye pantheon ki,
Kehte baaki sab dangaai,
Dange to ab tak ruke nahin,
Bas badhti hai ab kathinai

Das baras mein dange hue kai,
Na police aur na patrakaar,
Na jaan bachane aate hain,
Na sunane dein dar ki pukaar

Gupchup Hindu maara jata,
Nahin kanon-kaan who khabar kahin,
Gar mar jaye koi Muslim,
Tab patrakaar ko sabar nahin

Kya yahi tareeqa mila inhein,
Sampradayik pyar badhane ka,
Hue jaate hain sab door-door,
Ye kaam hai humein ladane ka

Har Kshetra me pichhade jaate hain,
Dum ho kar bhi Gham khate hain,
Socha tha milkar rahenge sab,
Par who bhi nahin kar pate hain

Badh gaya paap ka bojh bahut,
Tadpegi kitni yah janani,
Sau karor ki janta kehti hai,
O Neta! Padegi ab sunani

Isi desh mein uska laal ek,
Le kar usko aage chala,
Usey dekh-dekh kar aur bhi kuchh,
Netaon ko rasta mila

Janta ka man uspe tika,
Ye laal bada hi layak hai,
Hai naam Narendra Modi uska,
Ye aaj ka maha nayak hai

Ye dharmyuddh jo khada hua,
Wahan Congress, Yahan Bha Ja Pa,
Jeetin Modi ji Dharmyuddha,
Bharat ka har chappa-chappa

Tumse hai desh ko aas bahut,
Bharat vikaas aur samriddhi,
Sab milkar saath rahein taaki,
Ab ho Vriddhi, Riddhi, Siddhi

Na Chor-Uchakke mile haemin,
Na jaat-paat ka ho jhagda,
Na panth-panth mein man-mutaav,
Aur Dharm desh mein ho tagda

Hum saath tumhare har kadam,
Jaise-jaise din beetega,
Is Dharmyuddh mein nishchaya hi,
Tu “Narendra” Modi jeetega

No comments:

Post a Comment