Thursday, September 12, 2013

Mehnat ki Roti





De rahi bheekh tu janta ko,
Teri neeyat hai kitni khoti,
Hum pade-likhe parivaron se,
Khayenge Mehnat ki Roti

Sangharsh humein karna aata,
Aaram kise kab hai bhaata,
Tum to aalas mein ho pale-bade
Hum apne paon par hain khade

Izzat-samman kya pata tujhe
Ghar pe baithe-baithe khaye
Baha khoon pasina hai mera
Teri bheekh mujhe kaise bhaye

Ek saal mein teen sau painsath din
Bas sau din ka hi kaam mila
Tu samajh kya raha hai humko
Teri satta ko hum denge hila

Azadi ke sarsaath saalon mein
Tirappan saal the tumhein diye
Bas karte rahe ho satyanaash
Hum lachari-bebasi jiyein?

Ab ant samaya aya tera
Thukrate hain teri roti
Nahin sambhlega Bharat tujhse
Teri soch rahi kitni chhoti

Ab sun janta ka hunkara
Jise tadpa kar tune mara
Keechad jo toone kiya bahut
Ab Kamal wahin khilne wala

Hum poora khana khayenge,
Jeevan bhar paisa kamayenge
Bharat ko Badhna hai aage
Hum ghar ghar kamal khilayenge

2 comments:

  1. How I wish this post was read to Sonia beore FSB was introduced in the House

    ReplyDelete